WATAALAM WAPATIWA MAFUNZO YA NeST

Posted on: September 5th, 2023

Watumishi wa Halmashauri ya Wilaya ya Singida wametakiwa kuhakikisha kuwa wanaanza kutumia Mfumo Mpya wa Manunuzi ya Umma (NeST) ambao umeanzishwa na Mamlaka ya Udhibiti na Ununuzi wa Umma(PPRA).

Hayo yamesemwa leo na  Kaimu Mkurugenzi wa Halmashauri  Ndg. Christopher Kidubo wakati akifungua mafunzo ya kujengeana uwezo juu ya matumizi ya Mfumo huo kwa wataalamu wa Idara na Vitengo.Ndg Kidubo amewaomba Wakuu wa Idara na Vitengo kuhakikisha  wanaanza kuitumia mfumo huo ili kuongeza uwazi na tija zaidi katika taratibu za Manunuzi kama Sheria inavyoelekeza.

Naye Mkuu wa Kitengo Cha Manunuzi wa Halmashauri Ndg Masero Masiku amesema mafunzo hayo yanalenga kuwajengea uwezo Watumishi wa taasisi ili waweze kuanza kutumia Mfumo huo mpya kuanzia Oktoba mosi 2023.