WADAU WA SEKTA YA AFYA NA LISHE WAKUTANA KUTATHMINI UTEKELEZAJI WA MKATABA WA LISHE.

Posted on: October 21st, 2025

Kikao cha tathmini ya Mkataba wa Lishe, kimefanyika leo, 21 Oktoba 2025 katika Ukumbi uliopo Hospitali ya Manispaa ya Singida, kikihusisha wadau mbalimbali wa sekta ya Afya na Lishe kutoka Halmashauri zote mbili za Wilaya ya Singida. Akifungua kikao hicho Mkuu wa Wilaya ya Singida, Mhe. Godwin Gondwe, amesisitiza umuhimu wa ushirikiano na kuweka mikakati madhubuti ya kuboresha huduma za lishe kwa makundi yote, hasa yale yaliyo katika mazingira hatarishi kama watoto na wamama wajawazito.

Lengo kuu la kikao hicho, lilikuwa ni kufanya mapitio ya utekelezaji wa lishe, kujadili mafanikio yaliyopatikana pamoja na changamoto zilizojitokeza katika kipindi husika. Vilevile kupitia mjadala wa pamoja, wadau wameweka mikakati ya kuimarisha utoaji wa huduma bora za lishe katika Wilaya ya Singida.