WAANDIKISHAJI NA WAANDAJI WA ORODHA YA WAPIGA KURA WAPATIWA MAFUNZO MAALUM KWA UCHAGUZI WA SERIKALI ZA MITAA

Posted on: October 9th, 2024

Waandikishaji na waandaji wa orodha ya wapiga kura wakipatiwa mafunzo maalum ya kuwezesha kwenda kuandikisha na kuandaa orodha ya wapiga kura ya uchaguzi wa serikali ya mitaa ambao utafanyika tarehe 27 Novemba 2024

Mafunzo hayo yaliendeshwa kwa muda wa siku tatu, kuanzia tarehe 6 Oktoba hadi tarehe 8 Oktoba 2024, katika ukumbi wa shule ya sekondari ya Ilongero, iliyopo katika kata ya Ilongero, Halmashauri ya Wilaya ya Singida. Mafunzo hayo yalihusisha waandikishaji na waandaji wa orodha kutoka vijiji na mitaa mbalimbali ndani ya halmashauri hiyo. Lengo kuu la mafunzo lilikuwa kuwaelimisha kuhusu taratibu za uandikishaji wa wapiga kura, umuhimu wa uadilifu katika kazi hiyo, na usalama wa taarifa za wapiga kura.

Mafunzo hayo yalitanguliwa na uapisho ambapo waandikishaji wameapa kiapo cha kutunza siri na uadilifu mbele ya hakimu mkazi wa Wilaya ya Singida Mhe. Anna Daniel Mbembela.