TIMU YA UFUATILIAJI NA TATHMINI YAFANYA UKAGUZI WA MIRADI YA MAENDELEO.

Posted on: December 18th, 2025

Timu ya Ufuatiliaji na Tathmini ya Utekelezaji wa Miradi ya Maendeleo kutoka katika Ofisi ya Mkuu wa Mkoa wa Singida, imefanya ziara ya ukaguzi na ufatiliaji wa miradi ya maendeleo, leo tarehe 18 Disemba, 2025 katika Halmashauri ya Wilaya ya Singida.

Ukaguzi umefanyika katika mradi wa ujenzi wa vyumba vya madarasa katika Shule ya Msingi Ilongero, ujenzi wa shule ya msingi Ilongero mkondo mmoja, ujenzi wa shule ya msingi Jangwa, ujenzi wa njia za watembea kwa miguu (walkways) na chumba cha kuhifadhia maiti katika Hospitali ya Wilaya ya Singida, ambapo mradi wa chumba cha kuhifadhia maiti umekamilika na tayari umeanza kutumika kuhifadhia maiti hospitalini hapo.