MHE MURAGILI AITAKA HALMASHAURI KUONGEZA UBUNIFU KWENYE UKUSANYAJI WA MAPATO

Posted on: February 7th, 2024

Mkuu wa Wilaya ya Singida  Mhe. Paskasi Muragili  ameipongeza Halmashauri ya Wilaya ya Singida kwa kuongeza bajeti ya Halmashauri kutoka 1.4b mpaka 2.4b.Akiongea kwenye baraza maalum la kupitisha  bajeti ya  2024/2025 Mkuu wa Wilaya amewataka Waheshimiwa Madiwani kuongeza nguvu kwenye mbinu za kukusanya Mapato kwani kwa mikakati ya Serikali kuu Halmashauri yetu inaweza kukusanya mpaka shilingi 3b.

Akiitaja mikakati hiyo Mhe. Muragili ameongelea Mradi wa Vikundi vya Umwagiliaji ambapo tayari Maeneo Matano yanayofaa kwa shughuli hiyo yameainisha na takribani visima 50 vitachimbwa ili kuwezesha utekelezaji wa mradi.

Pia Mkuu wa Wilaya amewaomba Waheshimiwa Madiwani kuiongezea nguvu Idara ya Ardhi kwa kutoa ajira za muda kwani nguvu kazi inahitajika katika Sekta ya Ardhi ili kuwezesha sekata hiyo kuwa na mchango kwenye Mapato ya Halmashauri.

Akihitimisha hotuba yake Mhe Muragili amewataka Waheshimiwa Madiwani kupokea Agizo la Mkuu wa Mkoa la kuwataka Wananchi wote wa Mkoa wa Singida kuwa na Choo Bora ifikapo tarehe 30/04/2024.

Mwenyekiti wa Halmashauri ya Wilaya ya Singida Mhe Elia Digha amemshukuru Mkuu wa Wilaya  kwa maelekezo hayo na ameahidi kwa niaba ya Madiwani kuyafanyia kazi.