MAMLAKA YA USIMAMIZI WA WANYAMAPORI TANZANIA( TAWA) KANDA YA KATI,YATOA MAFUNZO KWA ASKARI WA JESHI LA AKIBA

Posted on: October 25th, 2024

Maafisa uhifadhi wanyamapori kutoka Mamlaka ya Usimamizi wa Wanyamapori Tanzania (TAWA) kanda ya kati, wametoa mafunzo ya namna ya kukabiliana na wanyamapori wakali na waharibifu hususan Tembo, kwa Askari wa Jeshi la Akiba katika Halmashauri ya Wilaya ya Singida.

Mafunzo hayo yamefanyika kuanzia leo tarehe 25/10/2024 katika ofisi za tarafa ya Ilongero iliyopo katika Halmashauri ya Wilaya ya Singida, ambapo askari 41 kutoka katika vijiji 21 vinavyokabiliwa na tatizo la uvamizi wa Tembo, wameshiriki mafunzo hayo yaliyo tolewa kwa nadharia na vitendo. Mafunzo hayo yametolewa kwa lengo la kuwajengea uwezo askari ili kupanua wigo wa kukabiliana na Tembo pindi wanapovamia maeneo ya makazi ya watu na mashamba.

Jumla ya askari 210 wa Jeshi la Akiba katika Halmashauri ya Wilaya ya Singida wanatarajiwa kupata mafunzo hayo kwa kupitia vituo vinne vya mafunzo mpaka kufikia tarehe 31/10/2024, kupitia vituo vinne vya mafunzo ambavyo ni Irongelo, Mtinko, Ngimu na Mughunga.