WAKULIMA WAELIMISHWA MBINU BORA MSIMU MPYA WA KILIMO 2023/2024

Posted on: September 18th, 2023

Kikosi kazi kutoka Idara ya Kilimo ,Mifugo na Uvuvi  kimefanya zoezi la  kuhamasisha msimu mpya  wa kilimo kwa mwaka 2023/2024 kwa wakulima wa kata ya Merya kwa kuwahimiza kuandaa mashamba na kuhakikisha wananunua mbegu bora.

Akiongea na Wananchi wa Kata ya Merya Kaimu Afisa Kilimo(W) wa Halmashauri ya Wilaya ya Singida Ndg Salum  Athumani amewahamasisha wakulima kujiandikisha kwenye daftari la Mbolea ya Ruzuku ili waweze kupatiwa Mbolea ya bei nafuu inayotolewa na Serikali.

Naye Afisa Ushirika(W) wa Halmashauri ya Wilaya ya Singida Ndg Godfrey Bureta amewakumbusha wakulima waliokopeshwa mbegu ya Alizeti kwa msimu uliomalizika wahakikishe wamelipa deni ili kuruhusu Serikali kuwahudumia wananchi wengi zaidi kwa msimu huu unaokuja.

Zoezi la uhamasishaji wa Msimu mpya wa Kilimo 2023/2024 linatarakiwa kuendelea katika kata zote za Halmashauri.