DC GONDWE AWAASA WATUMISHI SINGIDA DC

Posted on: March 26th, 2024

Mkuu wa Wilaya ya Singida Mhe. Godwin Gondwe leo tarehe 26/03/2024 amefanya kikao na Wakuu wa Idara na Vitengo wa Halmashauri ya Wilaya ya Singida na Viongozi wa Taasisi za Serikali zilizopo katika Halmashauri ya Singida DC.  Akiongea wakati wa Kikao hicho DC Gondwe amewaasa Watumishi kuzingatia ubora wa Huduma wanazotoa kwa Wananchi kwani kipaumbele cha Mheshimiwa Rais Samia Suluhu Hassan ni kuwaletea Maendeleo ya kijamii na kiuchumi Wananchi wake.Amesisitiza Ushirikiano wakati wa utekelezaji wa majukumu,Usimamizi thabiti wa Miradi ya Maendeleo,Ubunifu katika ukusanyaji wa Mapato ya Halmashauri,usafi wa Mazingira,Nidhamu ya kazi na kutambua wajibu wao katika utekelezaji wa majukumu ya kila siku.

Akiongea kwa niaba ya Watumishi Katibu Tawala wa Wilaya Bi Naima Chonjo amemshukuru Mkuu wa Wilaya kwa Maelekezo yake na kumuahidi kuwa Watumishi wa Singida Dc watayafanyia kazi yale yote aliyowaeleza..

Awali kabla ya Mkutano huo Mkuu wa Wilaya ya Singida Mhe. Godwin Gondwe alipata wasaa wa kusalimia Waheshimiwa Madiwani waliokuwa kwenye kikao cha Baraza la Madiwani.Mhe. Gondwe amewaomba Madiwani kumpa ushirikiano kwenye utekelezaji wa shughuli za Serikali ndani ya Halmashauri yetu.